३९ वर्षकी महिलाको ४४ वटा सन्तान

काठमाडौं । मरियम नाबातन्जीले १२ वर्षको उमेरमा बिहे गरेकी थिइन् । त्यसलगत्तै उनले १३ वर्षकै उमेर देखि बच्चा जन्माउन थालिन् । पछिल्लो २६ वर्षमा उनले झन्डै ४ दर्जन सन्तान जन्माइसकेकी छिन् । विवाह गर्दा उनी आफैं बाल्यकालमा थिइन् तर उनको लोग्नेको उमेर ४० वर्ष थियो ।

यो दुनियाँ आश्चर्यले भरिएको छ । यस्तै आश्चर्यको एउटा उदाहरण पछिल्लो समय उनी बनेकी छिन् । ३९ वर्षकी उनले अहिलेसम्म ४४ वटा सन्तान जन्माइसकेकी छिन् । तीमध्ये ३८ जना अहिले पनि जीवितै छन् भने ६ जनाको मृत्यु भैसकेको छ । संसारकै जब्बर ती महिला युगान्डाकी हुन् ।

३९ वर्षको उमेरमा ३८ वटा सन्तान हुनु सामान्य कुरा होइन । उनका ती सन्तानमध्ये धेरै जुम्ल्याहा छन् । उनले ६ पटक जुम्ल्याहा, चारपटक तिम्ल्याहा तथा तीनपटक चम्ल्याहा सन्तान सम्म जन्माएको बताइएको छ ।