शुक्रबार , अषोज ४, २०८१
काठमाडौं । काठमाडौं महानगरपालिकाले घरधनी र भाडामा बस्नेबीच अनिवार्य रुपमा सम्झौता गर्नुपर्ने गरी कार्यविधि बनाउने प्रक्रिया अगाडि बढाएको छ ।
यसैबीच काठमाडौं महानगरपालिकाको राजश्व परामर्श समितिले ‘वहाल व्यवस्था कार्यविधि’को मस्यौदा विधायन समितिमा पठाएको छ । महानगरकी उपप्रमुख एवं राजश्व परामर्श समितिकी संयोजक सुनिता डंगोलको अध्यक्षता बुधबार बसेको बैठकले कार्यविधि विधायन समितिमा पठाउने निर्णय गरेको हो ।
महानगरपालिकाभित्र बस्ने तथा व्यवसाय गर्ने प्रयोजनका लागि संरचना, स्थान वा जग्गा वहाल वा लिजमा लिँदा–दिँदा अनिवार्य सम्झौता गर्नुपर्ने मस्यौदामा उल्लेख छ ।
यस्तै मस्यौदामा सम्झौतामा लिने—दिने पक्षको नाम, ठेगाना, नागरिकता नम्बर, राष्ट्रिय परिचय पत्र नम्बर, भाडामा लिएको स्थान वा संरचनाको क्षेत्रफल तथा कित्ता नम्बरजस्ता विवरण उल्लेख गर्नुपर्ने उल्लेख छ ।
यस्तै, भाडा रकम वृद्धि कति र कसरी हुने, विजुली, पानीको शुल्क कसले बुझाउने, वहाल कर कसले बुझाउने, मर्मत कसले गर्नेजस्ता विषयसमेत उल्लेख हुनु पर्नेछ। सम्झौताको एक–एक प्रति लिने–दिनेले राख्ने र एकप्रति वडा कार्यालयमा बुझाउनु पर्नेछ ।
कार्यविधि लागू हुनुअघि वहालमा लिने–दिनेले व्यवस्था लागू भएको ९० दिनभित्र कार्यविधिबमोजिम सम्झौता गरेर लिने दिने वा बुझाउने गर्नुपर्नेछ। सम्झौतामा गणीतीय भुल भए १५ दिनभित्र सच्याउन सकिनेछ ।
हिमाल दर्पणले ‘नहतारिऔँ, ब्रेकिङ समाचारको पछि नदगुरऔँ’ भन्ने उद्देश्यले काम सुरु गरेको छ । पर्यटन, इतिहास, संस्कृति, मिडियालक्षित बहस, किनाराकृत विषयवस्तु एवं कला-साहित्यसँग नजिक भएर समाचार सामग्री (शब्द, दृश्य र अडियो) प्रकाशन गर्नु हाम्रो मुख्य ध्येय रहेनछ ।
हिमाल दर्पणले ‘नहतारिऔँ, ब्रेकिङ समाचारको पछि नदगुरऔँ’ भन्ने उद्देश्यले काम सुरु गरेको छ । पर्यटन, इतिहास, संस्कृति, मिडियालक्षित बहस, किनाराकृत विषयवस्तु एवं कला-साहित्यसँग नजिक भएर समाचार सामग्री (शब्द, दृश्य र अडियो) प्रकाशन गर्नु हाम्रो मुख्य ध्येय रहेनछ ।
DEPARTMENT OF INFORMATION AND BROADCASTING Regd Number : 2531/077-078
Editor: Raja Ram Paudel
Swayambhu
Kathmandu, Nepal
© Copyright 2024, HimalDarpan. All Right Reserved. | Website by Nirvan Studio
