दाँत सिरिङ–सिरिङ हुनबाट कसरी जोगिने ?

काठमाडौं । दाँत स्वस्थ राख्न मुखको स्वाथ्यमा विशेष ध्यान दिन आवश्यक हुन्छ । दाँत तथा मुखलाई स्वस्थ राख्न बिहान–बेलुकी खाना खाइसकेपछि अनिवार्य दाँत माझ्नुपर्छ । तर पनि विभिन्न कारणवश दाँत सिरिङ–सिरिङ हुन्छ ।  दाँत सिरिङ्ग हुने, चिसो पानी तथा गुलियो वस्तु खाँदा दाँत दुख्नेलगायतका समस्यालाई चिकित्सकीय भाषामा हाइपर सेन्सिटिभिटी भनिन्छ । हाइपर सेन्सिटिभिटी एक किसिमको दुखाई हो, जुन दाँतको बिचको तह डेन्टिन देखिएर हुने गर्दछ ।

सिरिङ-सिरिङ बढी मात्रामा भएको खण्डमा कुनै पेय पदार्थ खाँदा दाँत दुखेको वा अप्ठ्यारो भएको अनुभव हुन्छ ।

दाँतको बाहिरी भागलाई इनामेल भनिन्छ । इनामेलभन्दा भित्रको भाग डेन्टिन हो । सबैभन्दा भित्रको भागलाई पल्प भनिन्छ । विभिन्न कारणवश इनामेल खिइँदा डेन्टिन देखिन्छ र सिरिङ–सिरिङ हुन्छ । नमिलेको दाँत छ भने पनि टोकाइ नमिलेर दाँत खिइन सक्छ ।

एसिड भएको खानेकुराको सेवन, पेटको समस्याले जसले गर्दा अमिलो पानी आउँछ र इनामेल खियाउँछ । कसै–कसैको सुत्दाखेरि दाँत किट्ने बानी हुन्छ । यस्तो बानीले पनि इनामेल खिइन्छ ।

दाँतमा कीरा लाग्यो भने पनि सिरिङ्ग हुने समस्या आउँछ ।