राजु अर्याललाई सशस्त्र आइजिपी र विश्वराज पोखरेललाई प्रहरी आइजिपी बनाउन गृहको प्रस्ताव

काठमाडौं । गृह मन्त्रालयले एआइजी राजु अर्याललाई सशस्त्र प्रहरी बलको आइजिपीमा बढुवा गर्न प्रस्ताव गरेको छ । मन्त्रालयले सशस्त्र प्रहरी बलका अतिरिक्त महानिरीक्षक (एआइजी) अर्याललाई प्रहरी प्रमुख (आइजिपी) मा बढुवा गर्न प्रस्ताव गरेको हो ।

अर्याललाई केहीसाता अघि मात्र डिआइजीबाट एआईजीमा बढुवा गरिएको थियो ।

त्यसैगरी गृह मन्त्रालयले प्रहरी अतिरिक्त महानिरीक्षक (एआईजी) विश्वराज पोखरेललाई प्रहरी प्रमुखमा बढुवा गर्न प्रस्ताव गरेको छ ।

मन्त्रालयले एक नम्बर वरियतामा रहेका पोखरेललाई आईजीपीमा नियुक्त गर्ने गरी मन्त्रिपरिषद्‌मा प्रस्ताव लैजाने गरी निर्णय गरेको हो ।